პროექტის ,, მობილური ბიბლიოთეკა,, ფარგლებში ი.გოგებაშვილის სახელობის N4 საბავშვო ბიბლიოთეკა 22 თებერვალს ქართული გიმნაზიის მეორე კლასს(მასწავლებელი-ლ.ჯამალაშვილი)ესტუმრა.მოსწავლეებს წავუკითხეთ ა.ლინდგრენის უკვდავი ,,პეპი გრძელიწინდა'',ბავშვებმა წერილები მიწერეს საყვარელ გმირს,დახატეს,იმსჯელეს და ბიბლიოთეკის მკითხველებად დარეგისტრირდნენ.

22 თებერვალს საბავშვო ბიბლიოთეკას "ნაკადული" 24-ე ქართული გიმნაზიის II კლასის მოსწავლეები სტუმრობდნენ(პედაგოგი:ნინო ჯაფარიძე). მოსწავლეები გაეცნენ ბიბლიოთეკის ფონდებს,დაათვალიერეს ახალი გამოცემები და მკითხველებად დარეგისტრირდნენ.

21 თებერვალს, საბავშვო ბიბლიოთეკა "ნაკადულს", 21-ე ბაგა-ბაღის აღსაზრდელები ესტუმრნენ (პედაგოგი მარინა თამაზაშვილი). პროექტ "ერთი ზღაპრის დილა"-ს ფარგლებში პატარებმა მოისმინეს ვასილ გულეურის ზღაპრები.

"The black history month-ის ფარგლებში გაიმართა მორიგი ფილმის ჩვენება.

19 თებერვალს რუსთავის ამერიკულმა კუთხემ უმასპინძლა პროექტს "ქალთა ფიზიკური, ემოციური და სოციალური სიჯანსაღე", რომელიც ხაშურისა და ახალციხის არასამთავრობო ორგანიზაციებისა და ამერიკული კუთხეების პარტნიორობით იმართება.

16 თებერვალს ი.გოგებაშვილის სახელობის N4 საბავშვო ბიბლიოთეკას N1 ბაგა-ბაღის აღსაზრდელები ესტუმრნენ.პატარებმა დაათვალიერეს ბიბლიოთეკა,ახალი წიგნები და მკითხველებად დარეგისტრირდნენ.

დღეს, ნ.ბარათაშვილის სახელობის №3 საქალაქო-საბავშვო ბიბლიოთეკაში მე-200 მკითხველი, ლაზარე შერგელაშვილი დავაჯილდოვეთ წიგნით.

16 თებერვალს საბავშვო ბიბლიოთეკას "ნაკადული" შოთა რუსთაველის სახელობის სკოლა-ლიცეუმის III -IV კლასების მოსწავლეები სტუმრობდნენ. ბავშვები გაეცნენ ბიბლიოთეკით სარგებლობის წესებს,ფონდებს და მოისმინეს ინფორმაცია იშვიათი გამოცემების შესახებ.

15 თებერვალს ნ.ბარათაშვილის სახელობის № 3 საქალაქო-საბავშვო ბიბლიოთეკას სტუმრობდნენ № 20 საჯარო სკოლის II კლასი. პატარა მკითხველებს გავაცანით წიგნის მოხმარების წესები, დაათვალიერეს წიგნადი ფონდი. სტუმრობის ბოლოს მოსწავლეებს ვაჩვენეთ ძველი ქართული ანიმაციური ფილმი ,,წუნა და წრუწუნა".

რუსთავის საბიბლიოთეკო გაერთიანებაში არსებულ ამერიკულ კუთხეში Kid's club-ის მოსწავლეებმა 15 თებერვალს ანიმაციურ ფილმი "რიო" ნახეს.